Dadka waxaa ugu Qeyr badan kan ugu Anfaca badan
Nin ayaa u yimid Dukaanle waxa uuna weydiiyay Qiimaha uu siisanayo
Kiilo Muus iyo Tufaax ah, Dukaanlahii ayaa ku jawaabay “Qiimaha Muusku waa Sh.
600, Tufaaxana Sh. 500”
Durbadiiba Dukaanka waxa soo gashay Haweeney uu garanaayo Dukaanlaha
Waxayna Waydiisay: “Imisa ayaad siisanaysaa Qiimaha Kiilo Muus iyo Tufaax?”
Dukaanlahii ayaa ugu jawaabay: “Qiimaha Muusku waa Sh. 200,
Tufaaxana Sh. 50, Haweeneydii ayaa ku faraxday Qiimaha oo Alle ku
mahdisay.
Ninkii la joogay Dukaanlahii ayaa islamarkiiba Xanaaqay, Waxa uuna si
caro leh u fiiriyay Dukaanlahii, Markii uu Dukaanlahii arkay Carada ka muuqato
Ninka wuu u il-jebiyay waxa uuna ku yiri: “ii yara Sug…”
Marka uu Haweeneydii siiyay Dukaanlahii waxa ay iibsanaysay waxa uu
ka qaaday lacag dhan Sh.250, Dukaanka ayay kasii baxday iyada oo ay ka
muuqado farxad oona dhahaysa: “Caruurtayda way ka wada dhergi doonaan, Illaahaa
mahadsan”.
Dukaanlahii ayaa usoo jeestay Ninkii la joogay Cudurdaar dalbasho
kadib ku yiri: “Illaahaan ku dhaartay kuma Qiyaamaayo, balse Haweeneydaan waa Hooyada 4 Caruur oo agoon ah, wayna
diidaa marka loo gargaari tago, Mar alle markaan isku dayo inaan garabsiiyo way
iga diidaa oo cidna garab uguma baahni ayay igu dhahdaa….
Wax badan waxaan ku fikiray sidaan ku caawin lahaa iyadoon hortagin
Wejigeeda, waxaanse ugu dambeyntii helay wadadaan oo ah inaan ka dhimo Qiimaha
badeecada ay dooneyso, Waxaana rabaa inay dareento in ay Cidna u baahneyn.
Waxay ii timaadaa Todobaadkiiba hal mar, Allaha xaqa lagu Caabudaan
Ku dhaartay Maalintii ugu horeysay ay
wax iga iibsato Haweeneydaan waxii ka dambeeyay waxaan bilaabay in aan helo faa’iido
laba lab ah, Illaahayna waxa uu iga quudiyay meel aan Maleysaneyn. Ninkii Careysnaa
waxa uu bilaabay in uu ilmeeyo waxa uuna Madaxa ka dhunkaday Dukaanlahii. “Kusoo dejiya Arsaaqda Sadaqada”
Nabigeena (N.N.K.H) waxa uu yiri “Dadka waxaa ugu Qeyr badan kan ugu
Anfaca badan Dadka”.
Haddaba aan sameyno Kheryka si kasta uu yaryahay, illeen garanmayno
Wanaaga aan ku geli karno Janadda.
Sayid Ahmed Mohamed
Comments
Post a Comment